اختار اللحظة الحلوة..... واللحظة المرة ارميها

جتلي رسالة بتقول الأتي :-----

ليه فيه عيد حب,, عيد أم،، عيد طفولة؟؟ ليه ما يكونش فيه يوم الابتسام؟؟

خلينا نسعى أن يكون فيه يوم ابتسام وتسامح

طبعا منقدرش ننكر المجهود الرائع دة بس السؤال هنا لية يوم واحد

وليه ميكونش كل يوم وليه ميكونش كل ساعة وكل دقيقة وكل ثانية

طبعا انا عارفة ان كل واحد فينا حاسس ان همه اكبر هم وان محدش بيعاني زيه بس لو فكرنا هنلاقي غير كدة خالص

يجي همنا اية جمب

واحد يتيم

ولا جمب جدة في بيت المسنين

ولا جمب مريض بالسرطان

ولا جمب اخوانا اللي في غزة

ولا ولا ولا................

احنا مش عاوزين كتير من الدنيا هيا يدوبك سنين بنقضيها الى ان نذهب للأخرة اللي كل منا بنسعالها

فاليه منستمتعش بحايتنا بحلوها ومرها على قد منقدر

‏فعن ‏ ‏أبي هريرة ‏ ‏أن رسول الله ‏ ‏صلى الله عليه وسلم ‏ ‏قال ‏ ‏أتدرون ما ‏ ‏الغيبة ‏ ‏قالوا الله ورسوله أعلم قال ذكرك أخاك بما يكره قيل أفرأيت إن كان في أخي ما أقول قال إن كان فيه ما تقول فقد ‏ ‏اغتبته ‏ ‏وإن لم يكن فيه فقد ‏ ‏بهته صحيح مسلم ولا ننسى اخواننا فى فلسطين والعراق وكل مكان من الدعاء

فإن أحسست يوماً .... . بأنك مرهق من ركض السنين... وأن ابتسامتك تختفي خلف تجاعيد الأيام... وأن الحياة أصبحت لا تطاق .... .و إن شعرت أن الدنيا أصبحت سجنا لانفاسك.... وأن الساعات لا تعني إلا مزيداً من ألم.... وأن كل شئ أصبح موجعا .... .أرسم على وجهك ابتسامة من قهر.. واسكب من عينك دمـعـة مـن فرح... فاذكر الله وسيفرج

كتير منا اوي يصحي الصبح يقوم من على السرير بالعافية شعرة منعكش وهدومة مبهدلة وقايم يهرش في راسه وهو مغمض عينه يدخل على المطبخ

اية دة فين الفطااااار؟؟؟؟؟؟؟؟؟؟؟

وهي تقوم بنفس الشكل وتقول يوووووو لسه هحضرفطار فيها اية لو عمل كل واحد لنفسة فطارة؟؟؟

هو يدخل الحمام يلاقي المية مقطوعة ويقول اوف بقى هو النهاردة يوم باين من اولة؛ شكلة يوم ميعلم بيه الا ربنا

هيا تبدأ تحط الفطار رجليها تتخبط في التلاجة

اي اوف بقى على الصبح كدة

وهكذا بدأت هي وبدأ هو يقنعه نفسهم ان اليوم دة غلط

وبكدة هما مهيئين للمشاكل

ان مكنش مع مراتة او ولادة يبقى مع البواب

وان مكنش مع البواب يبقى مع المكوجي

وان مكنش لا دة ولا دة يبقى مع سواق الميكروباص

مش دة ولا دة ولا دة ولا دة يبقى مع مديرة

طيب ولية كل دة

عشان يومة ابتدى من غير ابتسامه من الطبيعي جدا انه ميحسش باليوم دة باي حاجة كويسة

في واحد تاني تلاقية صا حي من النوم

صبح على كل اللي في البيت وهو مبتسم

وراح يدخل الحمام لقى الميه قاطعة

راح قال ممتااااااااااااااااااااااز وضحك

وبعديها جه يفطر لقى انه نسي يقول للبواب على عيش

فقال رااااااااااااائع وضحك

ما صحيح

اية اللي هيحصل يعني لما يضربله سندوتشين فول من على أي عربية فول وهو نازل

ولا مثلا لما يلبس ويسرح وينزل يغسل وشه ويتوضا في اي جامع

عادي الدنيا مش هتتهد بس احنا اللي حبين نتعب قلبنا وروحنا في حاجات متستهلش

دة يمكن المواقف دي اللي تجعل في حياتنا جزء بسيط من الفكاهة

دة غير بقى المفعول الفظيع اللي بيقدمهولنا الضحك

يطول من عمرنا ويحسن من صحتنا ويقلل من تجاعيد والوجة..... طيب لية نحرم نفسنا من كل دة

دة غير ان الأبتسامه في وجه اخيك صدقة...شوف مدي سعادة البواب ولا راجل كبير نازل شغلة او طفل رايح المدرسة لما يلاقيك مبتسم في وشه ياااااااااااااا تفائل والله واقبال على الحياه

تخيل لو عشرين مليون مصري اتفقوا انهم يبتسموا ؟؟؟ شوف الحياه هتمش ازاي ؟؟ بجد جرب ومش هتخسر وهتلاقي فرق؛ وفكر بقيت الناس اللي تعرفهم بكدة بردة

ولما تعمل كدة هتلاقي رد لأبتسامتك دي

عامه انا النهاردة وكل يوم ببتسم ليكم كلكم ويارب يكون يومكم احلى يوم

ودة اهداء مني ليكم

عيش وقتك عيش ايامك الدنيا فرح قدامك........... والضحكة تهون اي جراح

على ايه تنزل دمعاتك لو يوم عداك او فاتك ............ احلم بالجاي تعيش مرتاح

الدنيالو جارحة لونها لو فرحة.......... مهوا ايه بيطول عمر الواحد غير فرحة

الماضي وكل الذكري نستنى بدلهم بكرة...... افتح حضنك للعالم حب ومتحبش تكره

عيش وقتك عيش ايامك الدنيا فرح قدامك ............ والضحكة تهون اي جراح

على ايه تنزل دمعاتك لو يوم عداك او فاتك............. احلم بالجاي تعيش مرتاح

الدنيا بكل مافيها عيش فيها احلى مافيها...... اختار اللحظة الحلوة..... واللحظة المرة ارميها

غناء محمد منير (الفرحة )

اما بالنسبة للسلام لازم تكون مختلف عن الأخرون ومن طريقة سلامك الناس تتشد ليك وتحبك لأن السلا م دة هو بداية الطريق لرسم شخصيتك

هنعتبر ان اتنين صحاب واقفين قدام بعض وشهم في وش بعض

كل واحد يمد ايدة اليمين للتاني وبعديها

يسب ايدة ويبدأ كل واحد يحط ايدة اليمين فوق كتف زميلة الشمال

وايدة الشمال تكون على وسط زميلة اليمين

وبعديها ينزلوا ايدهم ويسلموا على بعض تاني باليد اليمنى

ويارب اكون قدرت اوصلكم السلام الدولي بيكون ازاي

ودة بيكون بين مرأة ومرأة؛ او رجل ورجل

اكيد مش هيكون بين مرأة ورجل

اما ماين المرأة والرجل يكون السلام باليد فقط مع عدم الضغط على يد المرأة

فحان الأن الوقت لــــــــــــــــ

تغير حياتك و تكتشف قدراتك و تستخدم كل طاقاتك الكامنة

NerMoOo